MAUSAM – My first Gay crush

Non sexual Gay story

In garmiyo me kuchh purani yaade dil ko jhinjhod kar kah rahi he, hame bhi aawaj jo, to aaj aapka RAJVEER ( dharmendra singh tomar ) apne jivan ke use komal ahsaas ke baare me batayega jo use tab pahli baar mahsus hua jab uski jindgi me pyar ke mausam ne pahli baar dastak di,to ye kissa shuru hota he .

Year 2000 ke m.p. board ke 12th ke result declare ho gaye the aur mera 84% score tha. claas me top kiya to khush bahut tha.garmi ki chuttiya bhi khatam ho chuki thi aur college me admission ka time aa gaya tha. to mene gwalior ke science college me admission le liya tha. college campus kafi bada tha. college se laga ek bahut bada playground tha. us vakt meri umr koi 17 baras thi. rang sanwala kad koi 5’11 aur wajan kareeb 56 kg tha. faishon kya hoti me mujhe pata nai tha. sirf padai par dhyan rahta tha. mere dressing sense ka mere dost majak banaya karte the. college me jaldi me saare professors ka specially zoology ke professor ka favourite ban gaya tha.
mere professor mujhe aksar puchate ki mene medical entrance kyu nahi diya par vo ek alag kahani thi, to mere college start hue koi ek mahina beet chuka tha. ham log ek din chemistry practical lab me apna practical work kar rahe the. tabhi mere frnd ko kisi ladke ne lab ke gate par se pukara,

” Sudhir …..????”

Itni jor ki aawaj sunkar ham chaunk gaye, mene apne hath me pakdi test-tube ko stand par rakha aur baahar ki taraf jhaankakar dekha, gate par ek behad khubsurat ladka khada tha aap ko kese batau vo kitna khubsurat tha . mene aaj tak ki jindgi me esa jawan khubsurat ladka nahi dekha tha. uski umr 20 saal, kad 5’10 rang bilkul gora aur bilkul fit body thi. vo gym to nai jata tha par jism dekhane aur taarif ke kaabil tha. use dekhkar mujhe pahli baar laga ki upperwala ne use jaane kitni fursat se banaya hoga.ha to us vakt shaam ke 4 baj rahe the aur dhoop kamjor pad rahi thi is wajah se lab me andar thoda andhera sa tha matlab koi dhoop se ekdam bheetar aaye to use ekdam se kuch saaf najar nai aata .sudhir mera claas mate tha ham dono kaafi achche dost ban gaye the. wo bhi padane me kaafi inteligent tha. to ham dono ki khoob chhanati thi. suchir ne use dekhkar kaha,

” Dharmendra me yaar abhi aata hu tu dekhiyo sir aa jaaye to mujhe bula liyo “

Mene haa kar diya. jab practikal work khatam ho gaya aur me ghar jaane ke liye riksha ka w8 karne laga to mene dekha ki sudhir kisi ladke ke sath bike pe peeche bethe hue achaanak aa gaya.

Mujhe dekhte hi sudhir ne aawaj di,

‘ O dharmendra, sir ne mere baare me puchha tha kya ???”

Mene naa me sar hila diya. to wo bike se neeche utar ke mere paas aaya aur bola,

” Chal aaja bhiya ke bike pe chalte he. tujhe ghar chod denge “

Mene sudhir se mana karte hue kaha, ” nahi yaar me to chala jaaunga aur wese bhi me nahi jaanta ye kaun he?”

Sudhir ne haste hue kaha, ” arey tu inhe nahi jaanta GAGAN bhaiya he, apne cllg pricnipal ke bete. meri colony me hi rahte he isliye mere dost ban gaye he. ab chal tu puri raamayan to suna di. me bike taraf badte hue gagan ke chehre per najar padi to wo mujhe dekh ke muskuraa idya. mene bhi ek fiki si muskaan jawaab me de di. dosto jab wo kayaamati chehra aapke is naacheej writer ne dekha to sach kah raha hu. pahli baar ahssas hua ki seene me dil naam ki bhi koi cheej hoti he. dosto mere saamane kudrat ka ek naayab aur jeeta jaagta namuna khada tha. dudh sa safed rand, patli naak, choti lekin asardaar aankhe aur lab ese jese abhi koi gulaab khila ho. gaalo pe itane pyaare dimple padte the haste hue ki kya kahu. us wakt jeans ka itna jyada fashion gwalior me nahi tha per wo jeans aur ek yellow and white strip waali t shirt pahne hue tha. sudhir ke peeche jakar me bairh gaya, ghar kab aa gaya pata hi nahi chala. jab ghar per aaya to apni books ek taraf patak kar apne bed per baith gaya. jaane kya ho gaya tha mujhe.

Agle din jab sudhir ke sath lunch time me library me baitha tha to fir se gagan achaanak aa gaya aur wahi paas me pada hua ek stool uthaakar ham dono ke kareeb aa gaya. ham dono ko botanty ke books padte dekh wo haste hue bola, ” kya yaar tum log bhi ye ghaash foosh ka subject lekar baith gaye ho…… so boring..”

Sudhir haste hue bola, ” bhiya aapki finaal ki books se to achchi he . aap to mare hue logo ko bhi chain se jeene nahi dete . “

Tab jaakar mujhe pata chala ki gagan B.Sc final year me the.

Gagan haste hue bola, rahne de rahne de mujhe itta dimaag nahi lagana tere sath . achcha ye bata aaj shaam ko market chalega na mere sath..?”

Sudhir ne khush hote hue , ” haa bhiya kyu nahi..”

Gagan ne meri taraf dekhte hue kaha, ” tum dharmendra ho na ?”

Mene bade sankoch ke sath kaha ,” ji bhaiya , aap kese jaante he “

Gagan ne muskuraate hue kaha, ” apun aur karte bhi kya he. padna hi hota to B.SC thode karta. me aadhe se jyada boys aur saari girls ko jaanta hu.”

Gagan ne aakh maarte hue kaha, dosto ye pahli baar tha meri jindgi me jab koi ladka ladkiyo ke baare me is tarah bol raha tha aur mujhe bura nahi lage. me khud per hairaana tha.

Gagan ne meri taraf dekhte hue kaha, ” mere sath bollyball team me aaoge. hame kuch achche player chahiye aur tumhaari height bhi achchi he.?”

Mene jindgi me kabhi games nahi khele the. to mene jhat se mana kar diya ki mere paas time nahi he.

Gagan waha kuch der baithkar chala gaya aur dheere dheere mulaakate hone lagi. gagan us wakt hamare colleg ka sabse hot and handsome ladka tha. me uski taraf dheere dheere khinchta ja raha tha. me aksar college campus ki un jagaho per koi na koi bahana banakar jaata tha jaha gagan aksar milta tha, haalaki meri kahi himaat nahi hui ki aage badkar usase baate kar paau kyuki me bachpan se hi bahut sankochi swabhaav ka ladka tha.

Dosto ab yaad karta hu to hasi aati he. august ka mahina chal raha tha. aur ek cllg ki chutti hone se pahle jor ki baarish shuru ho gayi thi. jese ho chutti hui saare dost bheegate bhaagte gate ki taraf bhaag liye kyuki baarish ke haal filhaal rukane ki koi umeed nahi thi paani girte hue 1 ghante se jyada ho chuka tha. meri hamesa se aadat hua karti thi ki lectures ke baad me 10-15 minute me apne topic ke saare points ko ek baar rewise kar leta tha ki kuch chhut to nahi gaya. me jab claas room se bahar aaya to dekh aasman me kaale ghane baadal chhaye hue the. shaam ke 4.30 baje the lekin lag raha tha ki shaam ke 7 baj gaye ho. cllg campus lagbhag sunsaan pada hua tha. mene apni books ko hifaajat se apne bag me rakha aur room ke baahar baramde me aakar khada ho gaya. mujhe baarish bachpan se bahut pasande he.

Dosto haamre class room ke theek saamane ek phoolo ka sundar garden tha jiske beech me hari ghaash thi aur chaaro taraf ghane chhayadaar ped lage hue the. hawaa bahut sird si ho rahi thi esa lag raha tha ki dharti ki pyaas bujh chuki he.

Me gaarden me lage gulaab o ko dekh raha tha tabhi mene dekha ki garden me koi he. jara aage bad ke dekha to saanse ruki si rah gyai, Gagan apni shirt utaar ke sirf banyaan me gaarden ke beechobeech apne dono hatho ko ghaash per tikaakar bitha hua aasman ki taraf dekh raha tha. paani ki thandi bunde uske labo ko chumti hui uske seene me jaakar chup rahi thi. usane aankhe band kar rakhi thi . saara badan motiyo se sjaa hua tha. dosto dunia ka koi bhi outfit inta lubhaavana nahi ho sakta jitane wo baarish ke moti us din lag rahe the.

Meri to haalat kharaab ho rahi thi. log kahte baarish dilo me aag laga deti he dosto ye sach baat he us din mere andra pyaar ki chingaari phoot padi. meri najar usper hi tiki hui thi. mene gaur se suna wo koi geet gunguna raha tha. lekin uske bol mere samjh me nahi a rahe the.

Achaanak se gagan khada hua aur apni bheegi hui shirt ko kandhe pe daal ke garden se baahar jaane ko hua to jaane kese uski najar mujhpe pad gayi. mene waha se nikalne me hi bhalaai samjhi. sochaa agar wo aakar puchega ki kya dekh raha tha to me kya jawaab dunga,

Me baraste hue paani me hi ghar bhaag gaya.

Raat ko neend badi muskil se aayi aur aau jab aai bhi to sapne me wahi najaraa saamane aa gaya tha. kitna khubsurat badan tha. kitani madhosh jawaani thi gagan ki. me us ki taraf bahaa chala ja raha tha.

Dosto gagan chunki final year me tha is wajah se uske lectures hamaare lectures se kareeb ek ghante pahle khatam ho jaate the. aur wo wahi saamane ke garden me dosto se ghira hua betha rahta tha. jab bhi me lectures khatam hone ke baad claas se nikalta tha to uski najar mujhse aksar takra jaati thi. hamare beech kabhi jyaada baat nahi hoti thi. yaa kabhi esa bhi hota tha ki ham coridor me aamane saamane se aate hue mil jaate the to wo mujhe dekhkar muskuraa deta tha aur me to uske saamane aate hi sudh budh kho deta tha.

Is tarah deewali ka time aa gaya tha college me 1 week ka vaction start hone waala tha me chahta tha ki aaj gagan se jarur mil lu warna ek week tak uski shakal nahi dekh paaunga. pure din me cllg me uska w8 karta raha per wo nahi aaya mene sudhir se bhi puchaa to pata chala ki wo ghar per hi he. mear dil rone laga andar se ye ek hafta kese katega. do din to jese tese kaate lekin teesre din dil ne kaha aaj to milana hi padega. mene riksha pakda aur sudhir ke ghar pauch gaya,

Mujhe apne ghar dekh ke sudhir ko bada ajaab laga wo hairaan hote hue bola, ” Dharmendra tu aur mere ghar,

Kamaal he aaj suraj paschim se nikla he kya?

Aaj tujhe ghar se nikalane ki fursat mil gayi”

Me bahana banate hue bola, ” yaar vo tujhse botany ke notes lene the wo kal jo sir ne c-3 , c-4 cycle batya tha na to me note nahi kar paaya.”

Sudhir meri baat sunkar uchhal pada aur mera matha chhute hue bola, ” dharmendra teri tabiyat to theek he na. tu aur mujhse notes maang raha he”

Mene kisis tarah use convince kiya aur baato baato me ham uski chhat per aa gaye. to mene ese hi puchh liya, ” sudhir , wo tere gagan bhaiya kaha rahte he….??”

Sudhir ne pados ke ek makaan ki taraf ishaara karte hue kaha, ” wo waala makaan he unka. gagan bhaiya aksar chhat pe hi rahte he. arey wo dekho wo khade to he us taraf…..”

Mere dil ne itane joro se dhadkana shuru kar diya ki kya batau. itane me us kambhakht sudhir ne gagan ko aaawaj laga di,” gagan bhaiya kese ho ..?”

Gagan ne peeche mudkar hame dekhkar hath hila diya. gagan bola, ” arey dharmendra bhi aaya he. ise mera ghar nahi dikhaoge..
aao na tum dono”

Mujhe us wakt sudhir per bahut gussa aa raha tha me gagan se milana to chahta tha per is tarah nahi. lekin me kuch bol nahi paya. sudhir mujhe lekar gagan ke ghar pahuch gaya, uske ghar me sifr uski maa thi. papa kahi gaye hue the. wo hame apne kamre me le gaya. ham dono sofa per baith gaye, gagan us wakt shorts me tha aur uper black colour ki t shirt.

Chehre per wahi muskuraahat aur aankho me wahi nasha. me gardan neechi karke baith gaya. gagan hame apne daily routine ke baare me batane laga. wo sports me kaafi intrst rakhta tha.
Me sirf haa hu karke jawaab de raha tha, gagan ne meri taraf dekhte hue kaha, ” lagta he dharmendra ko mere ghar aana achcha nahi laga”

Mene jhat se kaha,” nahi bhaiya esi baat nahi he.”

To gagan apne bed se uthkar mere bagal me aakar baith gaya aur apna hath mere kandhe per rakhte hue bola, ” tum itna sharmaate kyu ho ? yaar be a man ….
ladko ko itna sharmana shobha nahi deta, chal ab jara muskuraa…”

Gagan ke jism ko apne aap se itana kareeb paakar me deewana ho raha tha. meri body ek jagah akad si gayi thi. na hilana na dulana. hotho per taala sa lag gaya tha. bas ek halki si muskuraht ke siva me kuch na de saka.

Gagan ke ghar se aane ke baad me sochane laga ki is gagan me esa kya he jo me iske saamane itana bebas ho jaata hu. kya me aur ladko ki tarah nahai hu.kyu me uske saamane itana nervous ho jaata hu. mujhe khud ko badalna padega. ese to jeena muskil ho jaayega.

Uske baad se mene cllg ke ladko se frndship karni start kar di. apne andar ki jhijhak ko baahar nikaal diya. apne jism ko bhi mene badalne ka socha aur work out start kar diya.
Mujhe khud per bada achambhaa ho raha tha ki me ye sab kese kar raha hu.

Gagan se meri baat kabhi kabhaar ho jaati thi. dheere dheere wakt aage fisal raha tha.
Dekhte dekhte december aa gaya.

Gwalior ke thand ke kya kahne december me 3 ya 4 degree temprtr hota he. mujhe bachpan se snowphilia ki bimaari he lekin mene apna work out december bhi continue rakha hua tha.

Me subah 5.30 per collg ground me running ke liye jaata tha. us wakt cllg ground kareeb kareeb khaali khaali hota tha. us din thand kuch jyaada thi. maa ne mujhe roka bhi ki aaj mat jaamausam bahut kharab he per me chala gaya. jab ground per pahucha to mahsus hua ki waakai me thand bahut he. mene kcuh sochane ki bajaay apni running start kar di.

Abhi kareeb 1 km hi running ki thi ki meri saans phoolane lagi. aankho ke aage andhera sa chhane laga. me achanak ruk gaya aur ground per baith gaya,
jaane kya hua mujhe esa laga lungs ne kaam karna band kar diya ho .

Me apna hosh khota ja raha tha. kuch hi der me me takreeban behosh ho gaya. kareeb aadhe ghante baad mere kaano me kisi ki aawaj sunaai di jo shayad gagan ki thi . wo kah raha tha, ” Dharmendra , kya hua tujhe, aankhe khol na yaar….

Dharmendra……………..”

Mujhe laga koi sapna chal raha he. gagan ne mere seene ko pump karna shuru kiya. mera jism koi jawaab nahi de raha tha. kareeb 10 minute baad kisi ke hoth aakar mere hotho per tik gaye . haa ye gagan hi tha. wo mujhe breath kar raha tha. uski garam garam saanse mere seene me samaa rahi thi. esa lag raha tha ki me kisi jannat me hu. wo ek hath se mera sar pakde hue tha.
Kareeb 15 minute ke baad mujhe hosh aaya. dekha ki me gagan ki goad me pada hu aur wo mujhe hairaan pareshaan hokar dekh raha tha. meri aankhe ko khula dekhkar uski jaan me jaan aa gayi.
Mere maathe ko chumate hue usane kaha, ” kya ho gaya tha tujhe…..????” tu theek to hai naa ….??”

Mene badi muskil se khud ko sambhala aur bethane ki koshish karte hue kaha, ” wo bhaiya mujhe snowphilia he na is wajah se behoshi aa gayi thi…

Per ab me bilkul theek hu “

Gagan ko gussa aa gaya , wo naraj hote hue bola, ” tera dimaag kharab ho gaya he. jab snowfilia he to thand me running karne ki kya jarurat he.?”

Me kya jawaab deta ki ye sab aapke liye hi kar raha hu. chupchaap daant khaata raha.
Gagan mujhe ghar tak chhodane aaye. maa ko jab is baat ka pata chala to maa bhi bahut bigadi thi lekin gagan ne unhe samjha diya ki me ab theek hu . maa ne gussa hokar kaha, ” aaaj se tera running wunning sab band, samjha tu …”

Mene maa se kaha ki nahi mujhe running karni he to gagan beech me bol pada, ” aunty , dharmendra kaa man he to koi baat nahi me roj usi ground pe workout karne jaata hu ise ghar se le jaane aur chhod jaane ki jimmedari meri he. ye mere sath work out karega me pura dhyaan rakhunga iska.”

Gagan ke sujhaav per maa bhi chup rah gayi ab naa karne ka koi sawaal nahi tha,

Me bahut khush tha ki ab roj gagan ke sath wakt bitaane ko milega. aur is tarah wo suhana safar shuru hua jiski koi manjil nahi thi. gagan ki bike ki aawaj se meri neend khuale lagi aur subah suabah ki thadi hawaa me usase chipakkar bethana . kitana thanda aur nasheela ehsaas hota tha ki kya kahu. me aksar apne hath uski thighs per rakh deta tha. usne kabhi koi objection nahi kiya.

Ground per bhi wo mujhe 2 km se jyada running nahi karne deta tha, agar galti se khaansi bhi aa jati thi to meri peeth per pyaar se sahlaata tha, uske chhune me jaane kya jaadu tha ki me paagal ho jata tha.
Ek din ground per running ke baad jab ham laut rahe the to gagan ka koi claas mate a gaya waha per wo bhi usi taraf ja raha tha to usane gagan se kaha , ” laa aaj bike mujhe chalane de ?”

Gagan ne bhi bike de di, bike start hote hi us ladke ke peeche me beth gaya to gagan kuch baichian sa ho gaya. mere peeche gagan baith gaya. ek bike per teen log hone ki wajah se aapas me sat kar baith gaye the, bike start hui to mene aadtan apne hath us ladke ki thighs per rakh liye . kareeb do minute baad mere hatho per kisi ke hath pade. haa wo gagan ke hi hath the. usane aahista se mere dono hatho ko pakad ke us laadke ki thighs se khinch liya. aur apni ungliyo me meri ungliya bheench li. mujhe us wakt to kuch samjh nahi aaya lekin baad me mahsus hua ki usane esa kyu kiya tha,

Dusre din jab wo mujhe lene aaya to uska chehra kuch udaas tha.me chupchaap uske peeche jaakar bike per baith gaya. mene aaj apne hath uski thighs per nahi rakhe the. jab ham ground per pahuche tab tak uska para aasman chhu raha tha, waha jaate hi wo bhadak gaya, ” ab to mujhe chhune se bhi tumhe allergy hoti he…….
hogi bhi kyu nahi, jab koi dusra mil jaayega to hame kaun yaad rakhega?”

Uski aankho me gusse ke sath dard bhi tha. mujhe samjh me aa gaya ki gagan ko mera uske dost ki thighs per hath rakhna bahut bura lag gaya he.
mene baat ko sambhaalte hue kaha, ” bhaiyaa aap esa kyu kah rahe he………me to unko jaanta bhi nahi hu……mera vishwaash kijiye mene to ese hi hath rakh diya tha unki thighs per”

Gagan ne ruaansha hote hue kaha, ” me nahi maanta tumhaari baat, tum ese hi mujhe bahlaane ke liye bbol rahe ho….”

Mene fir se apni baat dohraate hue kaha, ” me aapko kese bharosa dilwaau bhaiyaa….. mene jaanbujhkar kuch nahi kiya”

Gagan itana hurt ho jaayega ye mujhe maalum nahi tha. kher jab ham wapas jaane lage to me unke peeche bike per baith gaya, aaj mene apne dono hatho se gagan ki kamar ko bharte hue apne aap se sataaya to gagann ne ek baar peechhe mudkar dekha, un aankho me ek mithhi si shikaayat ke sath pyaar bhi tha. aaj gagan bike ko kaafi slow chala raha tha aur mujhe bhi ghar pahuchane ki koi jaldi nahi thi. me uske sath aur wo mere sath itana khul gaye the ki har baat share kar dete the.

Dosto is pyaar me january aur february beet gayi. ab march ka mahina aa gaya tha exam sir pe aa gaye the. isliye na chahte hue bhi mujhe subah ki running band karni padi. is baat ko lekar gagan bahut naraj hua lekin use kisi tarah mene samjha diya. pure march aur april me exam me duba raha. gagan ne kai baar mujhe milane bulaya lekin me sifr ek do baar himil saka, tab tak may ka mahinaa aa gaya tha. subah ke 4 baj rahe the darwaaje per gagan ki bike ki aawaj sunkar meri neend khul gayi. darwaaja khola to dekha gagan khada he. use dekhkar me samjh gaya ki wo kya chahta he mene fatafat chang kiya aur uski bike per aakar baith gaya mene apne hatho me jese hi uski kamar ko sameta uski rulaai foot padi . me ekdam se chonk gya. mujhe llaga koi baata he. mene use puchcha to wo bola ground per chalo waha bataunga.

Ham ground per aa gaye. pura ground sunsaan tha .hawaa bahut thndi chal rahi thi. gagan ne aankho e aanshu bahrte hue kaha, ” mene tumhe bahut miss karta hu dharmedra……..

Itane din ho gaye tumse baat kiye ….
Tumhe meri koi fikar naahi he,,,,
Lekin mujhe tumhaari bahut fikar he aur hamesa rahegi.”

Me samjh gaya ki mujhse baahut badi galti ho gayi he. mene gagan ka hath pakadane ki koshish ki to usane mujhe ground per baitha diya aur meri goad me sar rakhkar let gaya. ab bolane ki baari thi.

“Bhaiyaa aap to jaante he ki exam chal rahe the warna me aapse roj milane aata. me sach me aapko kabhi bhul bhi nahi sakta bhaiya aap mujhe itana pyaar jo karte he”

Gagan ki aankho me labaalab aanshu bahr aaye, wo rote hue bola, ” papa ka transfer ho gaya he VIDISHA ham log kal jaa rahe he , me jaane se pahle tujhse milana chahta tha. ……”

Ye sunte hi mere aakhe fati ki fati rah gayi. ye kaise ho sakta he mene apne aap se kaha. aur fir gagan ke chehre ho apne hatho me bharkar dekha. uski aankhe kah rahi thi ki ye sach he. meri aankho me bhi aanshu bhar aaye aur tutkar gagan ke gaalo per padne lage. mene unhe pochate hue gagan se kaha,” I’ m srry mere aanshu tumhaare chehre per gir gayr”

Usane mera hath pakadte hue kaha, ” ham to mil nahi paaye dharmendra kam se kam in aanshuo ko to mil jaane do “

Dosto gagan ki kahi ye baat me aaj tak nahi bhula na kabhi bhul paaunga, kuch baate jahan me inti gahri baith jaati he jo markar hi peecha chhaudti he. ye sunkar mene gagan ko apne seene se bheench liya. ham dono ro rahe the aasmaan me baitha hua wo bhagwaan bhi dekh raha tha ki pyaar insaan ko kitna bebas kar deta he. dosto agle din gagan ki family gwalior se hamesa ke liye chali gayi. me use station tak chodane gaya tha. mera gagan itna bahadur tha ki station per wo bilkul nahi roya.

Uske jaane ke baad meri dunia ujaad ho gayi. esa laga jese koi ghar basane se pahle hi ujad gaya ho. gagan se phone per kabhi kabhaar baat ho jaati thi. wo phone per bahut rota tha. lekin kahte he na wakt bahut beraham hota he . is wakt ne dheere dheere mere gagan ke dil se mujhe dur kar diya. aaj 10 saal beet chuke he is baat ko gagan ki shaadi ko bhi 4 saal ho gaye he.

Is sabke baad mene bahut koshish ki kisi aur se pyaar karu per dil ne hamesa no entry ka board dikha diya. dosto is internet ki gandi se gandi aur achchi se achchi site chhan maari ki koi mere gagan jesa mujhe mil jaaye per me naa-kaam raha.

Aaj bhi subah us ground per jata hu running karne. waha faily yaado me anpe gagan ko mahsus karta hu. ye kahani likhte wakt aankhe bhar aayi fir se. ye mere jeevan ki ek sachchi ghatan he ise kahani samjhkar is prem ka niraadar na kare.

Gagan aaj bhi mere dil ke bahut kareeb he sochta hu ab gwalior se transfer le lu. kyuki gagan ki yaade mujhe jeene nahi deti. fir sochata hu agar gwalior se chala gaya aur kabhi era gagan waapas aaya to me use kese mil paaunga.

Jeevan ki antim abhilaash yahi he ki marne se pahle ek baar wo subah fir se aa jaaye jab gagan bike lekar mujhe jagaate hue kahe,

” dharmendra chalna nahi he running ke liye….?”

_______ THE END ______

____________ RAJVEER