GAY LOVE STORY – TUM MERE HO…….. part – 1

Gay Love Story …….. part – 1

Aapka RAJVEER gwalior station par betha hua train ka intejaar kar raha tha vahi mujhe Bhola mila jiskidaastan aapko suna raha hu. usase mera parichay kese hua ye fir kabhi bataunga. to shuru karte he.

Subah ki pahli kiran ke sath hi BHOLA ne apni jhaadu uthai aur gwalior ke railway station par puri imaandari ke sath safai shuru kar di. roj subah 4 am par uthkar uska kaam yahi hota tha. thand bahut kam thi february ka mahina chal raha tha. dekhane se vo koi safai wala nai lagta tha. umar 21 saal thi par jism pura bhara hua tha. kaam ne jism ko majbut bana diya tha. kad 6” wght 72 kg tha ran saanvla. jism subah ki roshni me ese damakata tha. jese raat me chaand damakata he.aawaj bahut meethi thi bina ji ke to kuch muh se nai nikalta tha uske. baat koi 2 baras pahle ki thi. gwalior station par subah ka vakt tha. Bhola roj ki tarah jhadu laga raha tha. tabhi plateform no. ek par ek superfast exp. aakar ruki. usame se gwalior ki sawaariya utar rahi thi.train ke A.C. three tear coach me se ek ladka apni peeth par ek bada bag taange utaraa aur cheekhate hue bola,
“ANU tusi great ho ji. dekhoji gwalior aa hi gaye ji “

Uske chillane se subah subah pura station hil gaya. ANU urf ANUPAM ek no. ka baatuni aur jaan kha jaane wala ladka. koi ek baar use mil leta to uske naam se bhi darne lagta. abhi I.I.T Kanpur me 4rth semester me pad raha tha. umar 20 saal. dubla patla , rang gora, kad 5’8″ . station par utarte hi uski cheekh ne sabko uski taraf dekhne ko majbur kar diya tha. Bhola ne bhi ek pal ko us par najar daali aur fir apni safai me lag gaya. ANU ne apna mob. nikala aur ek no. par call kiya.

,” Khasamanukhane, kitthe mar gaya tu. shahanshah akbar ki sawari gwalior station par padhar chuki he. hame pure sammaan ke sath le jaane ka intejaam kar. ”
udhar se uske frnd ne kaha ki 40 minute lagenge.ab station walo ki kher nai thi. ANU ko itne time tak jhelane ki dam rakhanewala shayad waha koi nai tha.Anu ki sabse pahle najar Bhola par hi padi. Anu uske paas pahuch gaya, aur shuru ho gaya,

,” Tumhare gwalior me to bahut thand he, hamare udaipur me to thand nai padti. tum thand me kya karte ho?
aur jhadu lagane ka kaam kab se kar rahe ho?
badaa maja aata hoga na.
lao me mujhe jhadu do me bhi lagakar dekhunga.”

Bhola uski non-stop bakwaas sunkar dang rah gaya. usko aaj tak esa namuna nai mila tha vo kuch soch pata usase pahe Anu ne uske hath se jhadu chhuda li aur apna laguage Bhola ko thama diya aur khush hokar jhaadu lagaane laga. Bhola ko kuch samajh nai aa raha tha ki ye ho kya raha he. kareeb 15 minute jhaadu lagane ke baad Anu wapas aakar Bhola se bola,”

“Chalo varjish to ho gai .”

Usne apni t-shirt utarte hue kaha jo paseene me bheeg gai thi. uska sangmarmar jesa Badan Bhola dekhta hi rah gaya. use u dekhate Anu ne pakad liya. vo Bhola ke paas aakar uske kaan me bola, ,” mar mite kya ?ese dekh rahe ho jese mujhe kha jaoge ?”

Bhola ekdum se peeche hat gaya aur khud ko sambhalate hue bola, ,” nai ji, esa kuch nai he, me to aapko jaanta bhi nai to pyar kaha se aa gaya?”

Anu ne uske aankho me jhaankte hue kaha, ,” saaf saaf dikh to raha ke ki tumhe pyar ho gaya he hamse.”

“Bhola ki maathe par pasina aa gaya, uski bolti band ho gai samajh me nai aa raha tha kya kahe kya na kahe ?,Anu ne apna bolna jari rakha, ” tum mujhe chumana chahte ho par dar rahe ho. hai na ?”

Bhola kuch kahta isase pahle Anu ne aage badkar Bhola ke gaal par chum liya aur bola,
,” lo ab khush !!!”

“Bhola ka dil ese dhadak raha tha jese koi anhoni ho gai ho. uske hosh ud gaye the vo kuch kahta isase pahe kisi ne jor ki aawaj di,

,”Anu, tu yaha he, me tujhe pure station par dekh aaya .”

Anu aur Bhola ki najar us aawaj ki taraf chali gai,ek handsome sa ladka jiska naam Milan tha chala aa raha tha. Milan, Anu ke sath I.I.T. kanpur me padta tha. dono best frnd the. Anu yaha Milan ki sister ki shaadi me aaya tha.Anu jhapatkar Milan ke gale se lipat gaya. Milan ki najar Bhola ke ghabraye hue chehre par padi to use samajh me aa gaya ki Anu ne koi shaitani ki he. Milan ne Bhola se kaha, ,” is bandar ne aapko pareshan to nai kiya?”

“Bhola ne hosh me aate hue kaha, ,” nai ji, inhone kuchh nai kiya. ye to bahut achche he.”

Milan hairan hokar bola, ,” kamal he, pahli baar koi esa insaan mila he jo isko jhel sakta he.”

“Itne me Anu bol pada, ,” hamara shahi rath kaha he sevak ?”

Milan ke sath Bhola ko bhi hasi aa gai. Milan bola, ” jahapanah, baahar khadi he chaliye.”

Milan aur Anu chal diye to jaate jaate Anu ne palatkar Bhola ki taraf dekha aur aankh maarte hue kaha, ” mere pichhe pichhe mat aana ?”

Aur is tarah Anu naam ka tufaan pure ek ghante waha bawandar karke jaa chuka tha aur is bawandar ka shikar bechara Bhola hua tha.us maasum Bhola ke sath is ek ghante me vo sab ho gaya tha jo uski jindgi me aaj tak nai hua tha. vo samajh nai pa raha tha ki ye koi sapana tha ya sach.
ANU ke jaane ke baad kaafi samay ke baad BHOLA hosh me aaya, aur fir se apne kaam me lag gaya. Bhola ek nihaayat hi gaeeb ghar ka ladka tha.lekin utna hi swaabhimaani bhi tha.uske ghar me uske maa baap ke alaawa uska ek chhota bhai tha.jo abhi 10 saal ka tha naam tha DABBO . bada hi khusmijaj ladka tha aur utna hi jiddi, gwalior me melaa laga hua tha jo kaafi famous he india me, shaam ko Dabbo ne , Bhola se jid ki , ki use bhi melaa jana he, Bhola apne chhote bhai ko bahut chahta tha uski har khwaahish puri karne ki koshish karta tha.

Shaam ko BHOLA apne chhote bhai ko lekar melaa pahuch gaya, mele me kaafi raunak thi. chaaro taraf dukaane saamaano se saji hui thi. Bhola ke sath Dabbo khush hokar ye najaara dekh raha tha. achanak Dabbo ki najar ek toy shop par padi vo khushi se chillaya,
” bhaiyaa…………dekho khilone ki dukaan…..”

BHOLA ne us dukaan ki taraf dekha , kaafi kimati khilone the usme. Bhola ko maalum tha ki ye uske budget me nahi he. usane Dabbo ko bahalaane ki koshish karte hue kaha,
” Dabbo……,ye to achche waale khilone nahi he, ham aage chalte he. aage ek bahut badi dukaan milegi jisme achche khilone milte he. “

Dabbo ruthate hue bola ,” mujhe nahi chahiye……………”

BHOLA ne use goad me uthakar chumate hue kaha , ” theek he chal chalte he…”

Dabbo khush ho gaya aur chillate hue bola, ” hureeeeeeyyyyyyyyyyyyyy…………”

Dono bhai dukaan ke andar pahuch gaye.Bhola ne dukaandar se hichakte hue kaha,
” mujhe apne chhote bhai ke liye koi achcha sa khilona chahiye…..”

Dukaandar ne Bhola ke kapde dekhkar uski haisiyat ka andaaja laga liya. vo muh banata hua bola, ” sir………..kitne tak ka dikhau…..????”

Bhola ne apni jeb ki taraf dekha jisame kul 200 rs the. usane darte hue kaha, ” ji………..
yahi koi 200 rs tak ka….”

Dukaandar ne bade rukhe andaaj me kaha, ” hamare yaha 500 rs se kam ka koi toy nahi he……”

Bhola ne Dabbo ko goad me uthakar kaha , ” Dabbo, ham aur kahi se le lenge……..
chalo…….”

Itna sunte hi Dabbo bigad gaya. aur rote hue bola , ” nahi , mujhe yahi si lena he bhaiya……”

Dabbo chikhane laga aur Bhola bebas hokar use chup karwaane ki koshish karne laga. par Dabbo kaha maanane waala tha. Bhola jab use lekar dukaan se baahar nikalne ko hua to dukaan ke gate par ANUPAM aur MILAN khade the. unhe dekhkar BHOLA ne unhe andekha karne ki koshish ki par ANU ne Bhola ko dekh liya aur khush hokar bola, tum………????????
Mere piche piche yaha tak aa gaye…..”

Bhola ne Anu ko taalte hue kaha, ” shahabji, me to yaha apne chhote bhai ko khilona dilwaane layaa tha….. bhalaa me kyu karunga aapka pichcha. “

ANU ne shaitaani bhare andaaj me kaha, ” to khilona kahaa he ????????
Tum jhooth bol rahe ho, tum mera pichha hi kar rahe the……”

BHOLA ne aankho me aanshu bharte hue kaha, ” saahabji, lene to khilone hi aaya tha, par ye dukaan meri aukaat se kaafi unchi he. isliye wapas ja raha tha. aur rahi baat aapka pichha karne ki to saahab ham gareeb jarur he par gire hue nahi he. “

Ye kahkar Bhola ki aankhe bheeg gai.
BHOLA ki baat Anu ke kalege me teer si chubh gai , pahli baar Anu saham gayaa Bhola ki baat sunkar. use apne aapko ko sambhalane me jyada vakt nahi laga. aur agle hi pal Dabbo ko Bhola ki goad se lagbhag cheente hue bola , ” mere chhote bhai ko khilone dilwaaye bina tum nahi ja sakte…….??????”

Bhola ne aansu me dabdabati aankho se Anu ko dekha aura kahaa, ” sahabji, kyu gareeb aadmi ki beijjati kar rahe he….??????
Meri aukat nahi he ki ye mahnge khilone khareed pau……”

Anu ne apni jeb se ek 1000 rs ka note chupke se nikala aur Bhola ki jeb me daalte hue bola, ” lao me jara tumhari jeb check karta hu………..tum apni jeb me rakhe hoge jarur kuch na kuch……..”

Aur Anu wahi 1000rs ka note nikaal kar dikhate hue bola, ” dekha jeb me paise he fir bhi apne bhai ko manaa kar rhe the…..”

Bhola chaunk gaya usne to apni jeb ko achhi tarah se subah check kiya tha. ye paise kaha se aa gaye. usane Anu ke chehre ki taraf gaur se dekha , vo muskura raha tha. Bhola ko apni taraf dekhte hue Anu ne aankh maarte hue kaha, ” ab koi bahana nahi chalega, chupchap bhai ko koi pyara sa khilona dilwa dena. aur mera pichha mat karna. “

Itna kahkar Anu aur Milan waha se bahar aa gaye . abhi kuch dur hi nikale the ki Anu ko kisi ne pukara, Anu ne palatkar dekha to Bhola haanfta hua teji se chalaaa aa raha tha.unke najdeek aate hue Bhola ne kaha , ” sahab ji rukiye na……..”
Mujhe kaam he aapse….”

Anu ne jordar hasi ke sath kaha, ” lo jisase darte the wahi baat ho gai , aap to hamare pyar me majnu ho gaye he. aur hamare pichche pichhe ghum rahe he……”

Milan ko jor ki hasi aa gai usane apni hasi ko chhupane ke liye apna muh fer liya. Bhola ne apne awaaj ko madhdham karte hue kaha, ” madad karne ke liyee shukriya sahabji par me ye paise nahi le sakta, aap ye waapas le lijiye…”

Anu ne naatak karte hue kaha, ” dekho Milan, kya jamaana aa gaya he.akela khubsurat ladka dekhkar pahle to mere upar dore daalne ki koshish kar rahe the ye janaab , aur jab kaam nahi banta dikha to paiso ka laalach de rahe he,hey bagwaan ghor kalyug aa gaya he……!!!!!!!
Jawaan khubsuart ladka hona bhi gunaah ho gaya he…”

Bhola ki to sitti pitti gum ho gai thi. aur Milan hasi ke maare apna pet pakad kar beth gaya. uski hasi thahaako me badal gai thi.jabki Anu ese naatk kar raha tha ki wo bilkul sach kah raha ho.Bhola ne ruaasaa hokar kaha, ” sahabji aap ye kya kah rahe he, me kyu karunga aapka pichha…..???
Me to aapke paise waapas karne aaya tha.

Agar aapko meri baat ka bharosa nahi he to me apne Dabbo ke sar ki kasam………”

Itne me Anu ne Dabbo ko Bhola se alag karte hue kaha, ” kasam khane ke liye bhi tumhe mera Dabbo hi mila tha…
Chalo koi baat nahi maaf kar deta hu par aage se dhyaan rakhna, mera pichha mat karna.”

Itna kahkar Anu ne fir se Bhola ko aankh maari aur haste hue nikal gaya. Bhola kahmbe ki tarah khada hua ye soch raha tha ki vo aaj kis dunia me pahuch gaya he. aaj jaane kitne ajeeb se ahsaaso ne use gher liya tha . ek aandhi si aai aur sab kuch udaa kar le gai thi. Bhola , Dabbo ko toy dilwa kar ghar aa gaya aur raat ko chhat pe chatai bichha kar let gaya,

Subah se shaam tak ki ek ek ghatna uski ankho ke saamne aane lagi thi, aur har baar Anu ka muskuraata hua chehra uske saamanne aa jata tha.aur uska aankh maarte hue ye kahna ki mere pichhe mat aana.
Puri raat khuli aankho se gujar gai. subah utha to uske sath kaam karne waale ladke ne bataya ki station master ka phone aaya tha ki aaj railway division jhaansi ke A.G.M ki ladki ki shaadi he to marriage garden me jaakar kaam me madad karwani hehi . Bhola ne fatafat kapde pahne aur us garden me pahuch gaya, jaha shaadi ki taiyaariya chal rahi thi.

Thekedaar ne unhe lighting ke kaam me madad kane ka kaam de diya. Bhola apne kaam me masroof tha ki kisi ne uske kandhe par hath rakhte hue kaha, ” mene kaha tha na ki meraa pichha mat karna……..????”

Bhola ne palatkar dekha to wahaa Anu khada hua tha. Bhola , Anu ko wahaa dekhkar Bhola andar se na jaane kyu khush ho gaya, usne hairaan hote hue puchha, ” sahabji aaap….???????????”
Aap yaha kese …..???”

Anu ne apne hatho me thaame phoolo ke thaal ko Bhola ko dete hue kaha, ” achhaji ”.
Shaadi hamare dost ki bahan ki aur aap hamse puch rahe he ki ham yaha kese. jabki hame aapse puchhana chahiye ki aap yaha hamare pichhe kese aa gaye….???”

Bhola ne pahli baar muskurate hue kaha, ” ji hame to station master shahab ne bheja he bade sahab ke yaha kaam ke waaste…..
Hame kya pata tha ki aap se bhent ho jaayegi.
Hamari kismat achhi he jo aap se milana ho gaya…”

Anu ne khush hote hue kaha, ” to kya itni jaldi mujhe i love u bolna tha jo itne khush ho rahe ho, dekho me saaf saaf bata detaa hu, abhi meri padai puri nahi hui he tab tak me shaadi nahi kar paaunga, par ttum itni jid kar rahe ho to ham engagement kar sakte he.

Bas isase jyada me tumhaare liye kuch nahi kar sakta…….
Agar taiyaar ho to 30 minute me garden ke pichhe milo “