Gay love story – Gali mein aaj chand nikla
Gay love story
Devraaj ki umr 40 ki hone ko thi lekin aaj bhi usake man me thahraav jesi koi baat nahi thi. shaadi hue 18 saal ho chuke they ek beta tha 11 saal ka aur 8 saal ki ek beti. patni bhi ek aam gharelu mahila jesi hi thi. khud ki ek book store thi jisase achchi khaasi kamaai ho jaati thi.
Puri gali me har koi Devraaj ko achche se jaanta tha. jara si baat pe rooth jana , chhoti chhoti khusiyo ko doobkar manana, esi harkate karna jese wo koi ghar grihsthi waala nahi koi mast khilandar aadmi ho. ek alag hi duniya thi usaki. dukaan kitaabo ki thi to waha college ke ladke aur ladkiya din bhar aate rahte they . paas me hi ek art and science college tha. gali me hamesa cllg ke students ki chahal pahal rahti thi.
Book store ke bagal se ek chhoti si chaai nastey ki dukaan thi jispar Guddu baitha karta tha Devraaj ka bachpan ka dost usaki umr bhi 40 ke kareeb hi thi. puri gali me Devraaj ka sabse achcha dost Guddu hi tha. bachpan se har baat ek dusrey ko batate they chaahe khushi ho ya koi muskil.
Aur agal bagal me dukaan hone se baat cheet ka wakt bhi bahut mil jata tha. cllg me bahut se padane waale ladke lecture bunk karke Guddu ki chaai ki dukaan pe aa baithate they aur waha unki mahfil jam jaya karti thi.
Ek chhote se shahar me cllg student ka enjoy karne ka tareek hi alag hota he bade shahar ki tarah wo mc.d. ya multiplex me nahi jaante kyu na ye cheeje waha hoti he aur na in par kharch karne layak paise .
Yaha to chaai nastey ki dukaan par jab yaar dost jamaa ho jaatey fir saarey jahaan ki baatein hone lagti to esa lagta ki wo koi chaai ki dukaan nahi , saari dunia ki muskilo ka hal de sakane waali koi karaamati jagah he.
Aur har baar ki tarah har bahas isi baat pe jaakar khatam hoti ki, ” is desh ka kuch nahi ho sakta . “
Waha u to har clls ke ladke aatey they par kuch dino se waha ek naya chehra dikhane laga tha . uska naam BRIJ tha. jesa naam wesa gun. saakshaat kaam dev jesa roop rang tha uska. 6 futiya lambaai. dand pelata tha to jisam bhi roop ko aur kaatilana bana deta tha. halki halki daadi muchhey chehrey pe rakhta tha. aankhey kisi katari jesi thi.kul milaakar atom bomb se kam khatarnaak nahi tha wo.ab aap kahenge ki raajveer ka dimaag kharab ho gaya he jo atom bomb bol raha he use . arey bhaai logo jab kisi ka husn aapka sab kuch barbaad kar sakane ka maadda rakhata ho to use atom bomb hi kahna sahi lagta he hamey.
To hua u ki ek subah subah 10 baje Devraaj apne book store pe apni dukaandari kar raha tha ki Brij aaj pahli baar uski dukaan pe aaya aur kahne laga, ” Second year history ki book de dijiye ….”
Devraaj kisi aur graahak se uljha hua tha free hote hi usane rati rati aawaj me kaha,
” 270 rs de do. aur khareed ke baad wapis ni karunga …”
Itana kahtey kahtey Devraaj andar se book nikaalane laga to Brij ne hastey hue kaha,
” Book to dikhaiye , pasand aayi to paise denge warna nahi . “
Devraaj ne palatkar us aawaj ke maalik us shaksh ko dekha. u to roj saikado ladke waha aate jaatey they par esa kabhi na hua . Devraaj ke hosh wese hi gayab ho gaye they jese history ki kitaabo se sach gayab rahta he. Brij ko khade hone ka andaaj. kapde pahane ka andaaj, bolane ka andaaj sab kuch Devraaj ko bahut hi naya aur achcha sa laga. dil ke andar esi khalbali mach gayi jese kisi kitabo se bhari almaari me agar koi chuhaa ghus jaaye aur aap wo almaari kholo to jese wo chuhaa khalbali macha deta he.
( ab Devraaj book store chlata he to example bhi wahi ka dena hoga na …..)
Devraaj book lekar aaya aur achche se pochhate hue kitaab Brij ke hatho me de di. Brij ne kitaab ko ulat palat ki check kiya aur apni jeb se rupiye nikaalkar Devraaj ke hatho me de diye. Devraaj ki najar un paiso se jyada Brij par thi. usane wo paise bina gine hi galley me daal diye.
Brij ek no. ka harami type ka ladka tha. padna likhana use pasand bilkul na tha. uske pitaji sarkari asptaal me compunder they unka tbaadala abhi pichhale mahine hi is jagah hua tha. Brij ka dhyaan padaai se jyada aur kaamo me lagta tha. baap se roj is baat pe jhik jhik hoti par use kaha kisi ki baat manani thi.
Brij ko Devraaj ka bartaav kuch alag sa laga par wo chup chaap waha se aakar Guddu ki dukaan pe baith gaya aur apne dosto ke sath chaai ki chuski lene laga. Devraaj ki usape barabar najar thi.
Ab to roj ka yahi silsila ho gaya. Brij cllg bunk karke waha dosto ke sath ghanta aadha ghnta ke liye waha aakar baith jata aur Devraaj najar churaakar use dekhta rahta.
Ab Brij koi doodh peeta bachcha to tha nahi usane bhi jaldi hi ye mahsoos kar liya ki Devraaj use ghoorata he. pahle pahal to use ye sab aam baat lagi lekin jese jese din beetey to maamla Brij ke samjhane me kuch kuch aane laga.
Ek din Brij aur usake dost chai naasta karke jaane lage to Brij paise dene ko ruk gaya. baaki claas me chale gaye lekin us din Brij ki jeb pe kul 20 rupiye nikale jabki use Guddu ko 50 rs dene they. u to Guddu Brij ko achche se janta tha par wo cllg ke ladko pe udhaar ni karta tha . wo achhce se janata tha ki ye fir dene waale nahi he. ab to samsya ho gayi. Brij ne Devraaj ki taraf dekha wo bhi idhar hi dekh raha tha.
Devraaj ne sab sun liya tha wo jhat se bola,
” Guddu ye le baaki ke 30 rs . aur Brij babuji ko jaane de … apne hi to he “
Brij ki aankho me shaitaani hasi daudane lagi wo Devraaj ka shukriya karke chala gaya aur Guddu is baat pe Devraaj ke vavhaar ko samjh ni pa raha tha. lekin Brij ke samjh me bahut kuch aa raha tha.
ab to Brij ne achcha bahana dhundh liya wo aaye din Guddu ke yaha chaai nasta karta aur paise Devraaj chukata. aur badale me Brij muskuraakar Devraaj ko shukriya kahkar nikal leta. dheere dheere Brij ke kuch dosto ko ye free nastey waali baat pata chali to ek dost ne usase pooch hi dala, ” kyu bey ka chakkar he tera us book store waale se.???????? jab dekho tujhe ese dekhata he jese dil haar gaya ho tere pe…..”
Is baat pe ladko ne bahut hasi majaak kiya. Brij bhi bahut hasaa . lekin dheerey dheerey ek din ka ye majaak roj ka hone laga. jab bhi wo log Guddu ki dukaan pe jaatey to Devraaj ka saara dhayaan Brij par hi hota aur Brij ke dost uski wakt Brij ko chhedane lagatey.
Kuch din to Brij ko bhi koi dikkat na thi par jab cllg ke dosto ne is baat pe aaye din usaki taang khichaai karna shuru kar diya to Brij ko Devraaj ka u dekhana bura lagane laga.aur ek din wo ho gaya jo hona nahi chaahiye tha.
Roj ki tarah Brij apne dosto ke sath Guddu ki dukaan pe chaai nasta kar rahe they ki Devraaj ko Brij ko dekhatey hue dekh Brij ke dosto ne Brij ko phir se chhed diya ek dosto bola,,,” kyu bey…. apne aashik se hame kab milawaayega. hamara bhi pahchaan karwa de yaar. ham bhi free me nasta kar liya karenge .”
Ye free nastey ki baat sunatey hi Guddu ka dhyaan us baat pe gaya wo bhi kuch dino se in ladko ke majaak masti pe gaur kar rha tha lekin aaj use saara maamala samjh aa raha tha ye ladki Devraaj ki hasi udaa rahey they
Guddu kuch kahta isase pahle Brij khada hua aur Devraaj ki taraf badaa. usane apne jeb se 1000 rs nikaale ( ye paise cllg fees jma karne ke liye papa ne diye the ) aur Devraaj ke hath pe dete hue gusse me bola ,” apne paise kaato jo naastey ke diye they…………..”
Devraaj , Brij ki baatey sunkar chuppi todate hue kahane laga, ” kya hua babuji . rahne dijiye na . mujhe nahi lene paise …”
Ye sunkar Brij ka gussa phhoot pada wo gussa udelate hue bola,” paise le aur dhyaan se sun aainda meri tarah esi wesi najar se dekha na to dukaan se bahar nikaal ke wo marammat karunga ki saarey hosh thikaane aa jaayenge.”
Itane me bich bachaav ke liye agal bagal ke log a gaye . Brij ke dost bhi aa gaye unhe nahi pata tha ki unake majaak ka Brij ko itana bura lag jaayega.Guddu bhi dadukar aa gaya aur Devraaj ki tarafdaari karta hua bola, ” kya baat hey…. ese aankhe kyu dikha raha he ….????”
Brij gusse me bola, ” aankhe na dikhaau to kya puja karu isaki. saala hijda kahi ka. gali me aana muskil kar diya he . jab dekho ese dekhata he jese koi gaandu dekhatey he.samjha dena is saale naakara ko ”
Do pal me Devraaj ke cheharey ki raunak ja chuki thi. aaj saari gali me iatane saalo se kamaai ijjat aur sammaan ek ladke ne ese kuchal diya ki Devraaj me muh se dard ki cheekh bhi na nikal saki. wo fati fati aankho se Brij ko dekh raha tha. ye wahi chehra tha jise dekhkar Devraaj ka din bahut khushgavaar aur raat bahut meethi ho jaya karti thi. ye wahi ladka tha jisake muskuraane par Devraaj ko dono jahaan ki khusiya mil jaya karti thi. ye wahi ladka tha jise pahli baar dekhkar Devraaj ka dil balliyo uchhal gaya tha. aur aaj wahi ladka u kisi dusman ki tarah usaki beijjati kiye ja raha tha.
Kisi tarah Guddu ne beech bachav kiya. Brij apane dosto ke sath wapas chala gaya tha. aur Devraaj ko Guddu andar ghar me le gaya tha. book store pe uper hi Devraaj ka makaan tha. usaki gharwaali ne sab sun liya tha lekin use apne pati pe pura bharosa tha. Guddu ne Devraaj ko bahut samjhaya lekin Devraaj ke seene me Brij ke kahey hue wo shabd ese lage they jese kisi ne goli maar di ho.
Devraaj ki aankho me aanshuo aur dard ke seewa kuch nahi tha. wo samjh nahi paa raha tha ki usane esa kya galat kar diya tha.
Kher kisi tarah wo manhoos din gujra. lekin agale roj surat badal chuki thi aaj book store pe Devraaj ki patni bathi hui thi Devraaj ne dukaan sambhaalane se mana kar diya tha.
Kal waali baat ke baad aaj cllg me bhi Brij se kisi ladke ne us baat ka jikr nahi kiya. maamla itana garam ho chuka tha ki ab koi isame padna nahi chahta tha. Brij ka dil bahut baichain ho rha tha. use saari raat neend nahi aayi thi. use mahsus ho raha tha ki kal wo gusse me jo kar chuka tha wo sahi nahi tha. usane ek baal bachche waale aadami ki surat pe esa kichad uchhala he jo kabhi saaf nahi ho sakta.
Ab us dukaan pe Brij aur usake dost nahi aatey they . koi 10-15 din baad ek din Brij se usake ek dost ne kaha, ” yaar tune us din jo kiya us baat ne us insaan ko puri gali me itana badnaam kar diya he ki becharaa sharam ki wajah se us dukaan pe nahi baitha he. uski gharwali dukaan sambhaalti he. me aaj udhar se gujara tha. sach me bahut dukh hua yaar.bhagwaan jaane us insaan pe kya beet rahi hogi ….”
Brij ko jab ye sunane ko mila to use bahut bura laga. Devraaj ne to kabhi usase koi ulti seedhi baat bhi nahi ki thi chhuna to bahut dur ki baat he. usane sirf apne dosto ke majaak ki wajah se wo sab kar diya jo nahi hona chahiye tha.
Lekin ab kiya bhi kya ja sakta tha jo nuksaan hona tha wo to ho hi chuka tha. ek din Brij badi himmat karke Guddu ki dukaan pe aaya. use dekhatey hi Guddu ka paara chad gaya wo hathke iashaarey se bola, ” bahar nikal……………… bahar……….”
Brij bina kuch kahe wapas chala aaya. us din ke baad Brij ne Devraaj ko kabhi nahi dekha. kuch maheene baad Brij ke pita ne apna tbaadal shahar me karwa liya aur Brij waha chala gaya.
Wakt ke sath Brij ke man me Devraaj ke liye pyar aur samman badane laga. wo Devraaj ko kabhi nahi bhul paya . aur purey ek saal baad wo wapas Devraaj se milane ka faisla karke us jagah aaya. wo apne ek dost ke ghar ruka hua tha usake dost ne bataya ki Devraaj ko us din ke baad se kisi nahi dekha . wo ghar se baahar nahi nikala bilkul bhi.
Lekin Brij to milane ka fiasla karke aaya tha wo 3-4 din roj us gali me chakkar laga aata lekin waha use Devraaj kabhi nahi mile. udhar pitaji wapas bula rahe they to Brij ne socha aaj to kese bhi karke baat karke hi aaunga Devraaj se.
Wo subah subah naha dhokar usi gali ke mod pe khada ho gaya tha. subah se waha bada sannata sa tha. Brij ko bhi baichaini si ho rahi thi. kuch der pe ek ghar se cheekh pukkar ki aawaje aane lagi. shayad koi mar gaya tha.
Brij ne waha se guratey ek insaan ko rokkar puchha , ” jee yaha koi gujar gaya kya ….???”
Us sajjan ne us book store ki taraf ishara kartey hue kaha, ” Devraaj gujar gaye he. us book store ke maalik. 6 maheene se bister pe they ….. ishwar uski aatma ko shanti de”
Paschaatap aur prem ki peeda se Brij pahle hi behaal tha. ye khabar to use andar se tod gayi. usaki ek bhool ne usako kaha laakar khada kar diya tha.
Usane aaj ek jhatake me apna pyar, apna jeevan ka swapn, aur bhool sudhaar ka maarg kho diya tha. aanshuo ne saarey baandh tod diye they. be tarteeb kadam badatey hue wo us makaan ke saamane jaakar khada ho gaya tha.
Devraaj ke antim sanskaar ke liye thathri taiyyar ki jaa rahi thi. bhaaro bheed jama thi . Brij jese tese andar daakhil hua to Guddu ki najar us pe pad gayi wo Brij ko pakadkar ekaant me le gaya aur gusse se rote hue bola, ” mil gayi shaanti tujhe ab…….. dekh le mar gaya mera yaar teri baato se .nahi sahan hua usase wo jo tune use kaha tha.arey kya gunaah tha uska yahi ki wo tujhe pasand karta tha. usane kabhi tere sath kuch esa wesa to nahi kiya tha na.ek pariwaar barbad kar diya tune. bhagwaan tujhe bhi sukh se jeene nahi dega.”
Brij ne Guddu ke paanv pakad liye aur rote hue bola, ” me maafi bhi nahi maang paya unse. me yaha unhe yahi batane aaya tha ki me bhi unse pyar karta hu. par wo to roothkar chale gaye hamesa ke liye. ab me kaha jaau. …………. kaha dhoondhu unhe ….”
Guddu waha se jaa chuka tha. Devraaj ki laash ko shamshaan me le jaane ki taiyaari ho chuki thi. Brij ne bheed me dhakka mukki shur kar di wo kisi tarah andar ghusa aaj pure ek saal baad usane Devraaj ko dekha . ye wahi insaan tha jise ek din usane sarey baajar be ijjat kiya tha us dard ne hi Devraaj ki jaan le li thi.aur aaj ka din he jab Brij ke dil me Devraaj ka pyar hilorey maar raha tha.
Mohalley waalo ne laash ko kandho pe utha liya. Guddu ki aankho se rulaai phhot rahi thi. har koi ro raha tha .
Brij luta pita esa bitha tha jese uska sab kuchh loot gaya ho. wo aakhiri baar Devraaj ko jaatey hue dekh raha tha.
Paas kisi F.M pe gana baj raha tha, ” tum aaye to aaya mujhe yaad …..gali me aaj chaand nikala, jaane kitane dino ke baad…… gali me aaj chaand nikala ”
_____________ samaapt ___________________
____ RAJVEER SINGH
